 |
 |
|
|
{415}
Bo имя Святыя жывоначалныя Троица, и по благословению отца нашего Данила, митрополита всеа Русии, пишу сию запись, идучи на свое дело х Казани.
Се яз, худый раб Божий Василей, что есми наперед сего писал свою духовную грамоту, да список приписной к духовной грамоте, а подписал ту духовную грамоту и список Варлам, митрополит всеа Русии, своею рукою, да и печять свою Варлам митрополит к той духовной грамоте и к списку приложил, а яз к той духовной грамоте и к списку свою печать приложил, и яз ныне свою душу и свою княгиню, по той духовной грамоте и по тому приписному списку, приказываю отцу своему Данилу, митрополиту всеа Русии. Да и ту духовную грамоту и тот приписной список ему ж, отцу своему, приказываю.
Да коли есми с Божиею волею достал своей отчины, города Смоленьска и земли Смоленьские, и яз тогды обещал поставити на Москве на посаде Девичь манастырь, а в нем храм во имя Пречистые да Происхождениe честнаго креста, и иные храмы, а которые храмы в том манастыре поставити, и яз тому велел написати запись диаку своему Труфану Ильину своею рукою да дати печатнику своему Ивану Третьякову. А дати есми обещал в тoт манастырь из своих сел дворцовых село или два, а пашни в тех селех в одном поле тысячя четвертей, а в дву полех по тому ж, да на строение тому манастырю три тысячи рублев денег. И ныне есми того манастыря състроити не успел. И нечто Божьа воля надо мною състанется, а того манастыря при своем жывоте не успею състроити, и яз приказал казначеем своим и приказным своим людем на том месте тот манастырь състроити. И из сел из своих из дворцовых в тот манастырь велел есми дати село или два, в одном поле на тысячю четвертей, а в дву полех по тому ж. А на строение тому манастырю нашы казначеи дадут три тысячи рублев денег.
И сию запись отец наш Данил, митрополит всеа Русии, подписал своею рукою, и печать свою к сей записи приложил.
А мы к сей записи свою печять приложыли.
А кто сию мою запись через мой приказ порушит, и тот судится со мною пред Богом.
А коли есми сию запись писал, и тогды был у отца нашего Данила, митрополита всеа Pусии, у сей записи старец Васьян княж Иванов, да отец мой духовной Василей, протопоп благовещеньской.
А сию запись писал диак мoй Меншык Путятин, лета 7000 тритцать перваго, месяца июня.
Внизу подпись: Грешный и худый инок Данил, милостию Божиею митрополит всеа Русии.
На лицевой стороне грамоты привешены две печати: великого князя Василия Ивановича красновосковая и митрополита Даниила черновосковая.
Выверено по изданию: Духовные и договорные грамоты великих и удельных князей
Возможен просмотр графического изображения страниц с использованием старорусского шрифта и обозначения сокращений.
